Juhuiiii eusi Flugtickets sind cho!!! Jetzt chas losgah :-)
Mir sind tip top in thailand acho! Sogar mit gepäck :-) jetzt gnüssed mir chli s'nachtläbe am Patong Beach! Next stop phi phi Island ;-)
eus gahts tip top. haend jetzt 4tag phi phi gnosse und mit chline blessure ueberlaebt... de philipp isch uf en gullideckel gstande wo dummerwiis nahlah het und er isch im abwasserkanal glandet... da daebi haet er sin flip flop verlore und ziemli schraeme a de bei abuebercho....ich bi vomene fisch attackiert worde und ha jetzt zaehndliabdrueck am oberschaenkel.... als waer das noed gnueg.... vo 3 affe bini au agriffe worde... has aber mit chline chratzspure ueberlaebt. aber suscht gahts eus guet. und dank em immodium mueni nuem all 10min ufs wc. jetzt simmer raedy fuer ufs schiff... goend 5 tag uf d similan insle go tauche. das beinhaltet 11 tag und 3 nachttauchgaeng. mir waerdet brichte. mir hoffed eu gahts au guet!?!bilder waerdet folge :-) bis bald und machets guet! janine und philipp
mir sind gsund und munter in khao lak acho. nach 4naecht uf em tauchschiff schwanket alles no ziemli!!!
super ziit hamer gha uf em schiff... als erstes simer abgradet worde in es 2er zimmer. vor und nach jedem tauchgang haets zaesse geh :-) super choechinne an board gha. vieli fischli, koralle, muschle und schnaeggli haemer gseh. super isch aber gsi wo e schildi um s boot gwumme isch. oepe ei stund haemer ihre choene zueluege und mit ihre im meer umetuemmle. voll herzig gsi!!! am abig simer amigs nach 4 tauchgaeng voll kaputt und tod mueed is bett gfalle.
es haet dur de zyklon wo i de noechi dure isch wahnsinnigi waelle gha und gschiffet was gange isch... aber under wasser isch d sicht super gsi und waeg daene guete antischlaechtsii mitteli haemer die strapaze tip top ueberstande :-)
Haend huet es toeffli gmietet und sind zu de wasserfaell und dae schoene straend gfahre. bim einte wasserfall ( Chong Fa Waterfall ) haets fischli dinne gha wo eim d huutschueppli waeggmampft haend. isch es mega komisches gfuehl gsi!!!! haet ueberall zwickt wos knabberet haend. aber jetzt simmer voll clean :-) vo de bluetegel haemer eus muese in acht neh... haet sich grad eine a mim (janine) fuess wele festsuuge.
am Oawthong Beach haemer ganz romantisch am schier einsame strand znacht gaesse. super fein gsi!!!
also mir sind tip top in australie acho. gaht eus guet. nach 27h haemer scho eusi errungeschaft vo eusem supervan (wo mer nur problem haend mit aber er lauft no) gmacht. s`chuelsystem haemer muese ersetze. und ganz wassertauglich isch er au noed haemer gmerkt... mir sind in en heftige raege inecho... de motor isch abkratzt... ein knall und daenn isch nuet meh gange. und das zmitzt im nuet usse. zum guete glueck isch er nach langem proeble wieder agsprunge. immerhin sind braemse tip top... wo eus en emu vor euse supervan gloffe (wuerkli gmuetlich gloffe) isch haemer so e vollbraems muese zieh... quitscht haets, schwarzi strieme gschlage und uf 2raedli usgwiche... und de emu isch eifach gmuetlich wiiter gloffe.
ersti station isch de yanchep nationalpark gsi. viel koalas und kaenguruhs hamer gseh. viel haend no es chlises im bueteli gha wo useguegslet haend. voll haerzig.
wunderschoene walk gsi. und mit eusem supervan hamer au scho en test gmacht uf de unsealed road. guet ueberstande...
2taeg simer da gsi will mir uf de holperstrecki alles chuelwasser verlore haend und erneut zum mech haend muese.
abgseh vo daene abartig nervende fluege sind die lookouts ganz schoen gsi. mir haend au bi oepe 37grad en walk vo 2 stund gmacht. pflotsch nass simer gsi aber haend daenn ae schoeni abchuelig im meer choene neh :-)
uf em waeg nach monkey mia.... mann glaubt es kaum... aber polizei haet eus uf de strass aghalte und de bipo haet s ersti mal i sim laebe doerfe is roerli blase... under 0.05... also haemer nach dere frag, ob mir irgendwelchi problem mit eusem van haend, und mir natuerli verneint haend... doerfe wiiterfahre ;-)
de bipo isch userwaehlt worde zum en delfin fuetere. er haets gnosse!!! de chli delfin uf em foti isch grad mal 12 tag alt.
s haet abartig graegnet. es war kein durchkommen mehr. d strass haet usgseh wie en rissende bach. daefuer haemer de schoensti sunneuntergang gha
nach de akunft simer rasch as meer gloffe und scho sind delfine verbii gschwumme. spoeter bim schnorchle haemer ae schildkrot und en schwarz spitze reef hai gseh.
bi de walks uf de gorges haemer no eusi erste wallabies gseh
eifach nur wow!!!!
hammer wie all die verschidene schluchte verschide usgsehnd. mir sind zum teil halstuef im wasser gloffe zum die schluchte zerkunde. immer wieder simer a glasklare chuele pools verbii cho. und die abchuelig isch eus bi guete 40grad extrem glaege cho!!! schlipfrig isches gsi uf daene usgwaeschne stei.
min neue favourite nationalpark
huet haemer en tagesusflug an noerdlichschte punkt vom suedweste gmacht. wunderschoeni sandstraend und glasklare tuerkisblaue indische ozean. sehr agnaehmi abchuelig gsi.
uf em waeg dahi haet sich d vegetation extrem gaenderet. vom trockene busch zum chuele laubwald mit riiiiiisige baeum.
die erste berge nach langem. aber d'ussicht isch eifach is nuet gsi. faelder und 2chlini seeli.
en wunderschoene ort. super schoens meer, herzigs staetdli und ueberwaeltigendi naturlandschaft. leider isch s'waetter schlaecht gsi... ziemli chalt und de raege isch im amarsch gsi. waered suscht sehr gern no chli laenger blibe.
die laengst grad strecki uf de waelt. alles gradus und flach... eifach nuet bis uf wunderschoeni sunneuntergaeng und 2 schoeni klippe. euse van haet das tip top mitgmacht... isch ja noed ganz selbstverstaendlich gsi ;-)
euse van haemer uf d'faehre verlade und sind bi sehr rauem waellegang uf kangaroo island gfahre. uf de insle haets wahnsinnig gwindet und au ab und zue isch au wieder en raegeschauer uf eus abe blaetscheret.
tierwaelt isch ueberwaeltigend gsi... koalas, enchidnas, seehuend, seeloewe (haet ganz viel jungi gha, meeeeeeeega herzig), kaenguruhs, pelikane, delfin, fluegendi fisch, schlange, kakadoos und diversi anderi unglaublich farbigi und luschtig ussehendi voegel.
ein bruenschtige koala wo uf de suechi nacheme willige wiibli gsi isch, isch eus bruellend wie en leu ueber de waeg gloffe. wahnsinnig wie lut die bruelled, grunzed und roechlet. wahnsinn!!!!!
uf em waeg zum grampians nationalpark simer in ae heuschreckeplag gfahre. tausende vo heuguemper haets a de schiibe verkloepft und sind wie en teppich am chuelergrill ghange. haend nuem wuerkli viel gseh bim fahre. ziemli haesslich gsi.
sind diversi walks go laufe. eusi stetige begleiter sind natuerli au d'heuschrecke gsi. bi de walks simer a waesserfaell und spezielle felsformatione verbii gloffe. haend zum teil chli muese chlaettere und de waeg isch au noed immer ganz guet ersichtlich gsi.
uf em camingplatz bim znacht mache haemer no bsuech vo 2kaenguruhs uebercho. mega suess gsi und ueberhaupt noed schuech...haend eus richtig in lampi verliebt... das isch glaub s`einzig kaenguruh mit lampiohre :-). s`maendli-kaenguruh haet mal a mim aermel zupft und oepis z'aesse welle. i dae nacht, wänn alles still gsi isch, haemer kaenguruhs ghoert um s`zaelt huepfe. kokaburras und kakadoos haets viel gha. diversi echse haemer gseh under anderem au en bartagam.
bi dae zaeltplaetz und au im reisefuehrer isch e warnig usgsproche gsi das mer ja noed soell under de baeum zaelte. es seg moeglich, dass ploetzlich est vo de baeum abknicked... daebi waer doch en schatteplatz soooo schoen. wo mir vo eim walk zrug cho sind, isch doch ernsthaft de halbi baum ufeme parkierte (zwei autos naebed eusem) autodach glaege. haend nomal gloeggli gha das de philipp s'auto noed det parkiert haet. es isch nur no de saeb und euse platz frei gsi wo mir anegfahre sind. also ich waer ja definitiv uf de ander parkplatz gange.
tower hill nature reserve isch en krater wo es gebiet worde isch fuer ganz viel tierarte.
sehr touristisch aber schoen
mmmmmmhhh... bi daem chalte raegewaetter isch es schwiizer-fondue richtig glaege cho.
im otway nationalpark simer i de nacht immer wieder verwachet will die bruenschtige koalamaennli bruellet und grunzt haend wie wildschwein
hey mir wuensched allne en super guete rutsch is neue jahr!!!
eus gahts guet. sind grad vom surfe zrug cho. i 5stund sind mir scho im neue jahr :-)
fotene und bricht werdet folge sobald mir mal irgendwo sind wo s internet bezahlbar isch. sind churz vor melbourne... viellicht haemer ja det mal ziit. bis bald :-)
nice to see and good to leave
haend en overnight hike gmacht. mit sack und pack simer ueber die halb insle gschuenet. am meer enlang, uf de felse, am strand fluess durchquert und mit 4schlange ae bekanntschaft gmacht... die eint isch so ober fruendlich gsi, dass sie sich zum vorstelle grad ufgstellt haet... sit det haet au de philipp respekt vor schlange :-)
schoene ort mit lagune und fjordlandschaft
Bi stroemendem rege sind mir id blue mountains gfahre.
wie bschtellt haets ufghoert regene, de nebel isch abzoge und d'sunne haet sich sogar zeigt.
diversi walks haend eus durch busch, regewald und zu wasserfaell gfuehrt.
australischi wasseragame haemmer gseh, und en bluetegel haet sich am bei vo mir (Philipp) festgsoge., ha mi aber tapfer gwehrt und hanen chriurgisch entfernt mit improvisiertem besteck (made of wood).
haend eus am bondi beach niederlah. super surfspot!!!
haend doch no euse van a zwei noed ganz putzte hollaenderinne choene verkaufe... die fraue haend zu ihrem paech noed mal wele probefahre... waenn die wuessted. mir sind scho mega happy gsi wo de van a daem tag mal einigermasse normal agspruche isch... isch noed ganz saelbstverstaendlich gsi!!!! haend doch einigi mal ueber 20min brucht bis er mal gfahre isch... na ja... mir haend eifach mal wieder glueck gha und sind daenn schnell uf byron bay, wiit wiit weg vo sydney gfluechtet ;-)
miis geliebte byron bay ;-) gfallt mer immer no so guet wie vor 8jahr!!!
han min geburi am australian day det gfiiret. haet drum ae grosses faescht und es bbq im backpacker geh... super gsi!!!
haend grad als erschts en abstaecher zum mc kenzie lake gmacht. meeega schoene suesswassersee mit wiisem sandstrand. am beach sind riisigi warane verbiighuscht. eine isch sogar uf de baum verschwunde... haend echt noed gwuesst das die choend klaettere. de philipp haets mega gnosse offroad zfahre. de 4.2 liter 4x4 Jeep isch eifach geil gsi. haend all moegliche schoene plaetzli erkundet uf dere insle. vo de sandduene ueber s'champagnerpool, raegewaldwalks zum schiffwrak... usw. am abig und i de nacht haend eus einigi dingos und abartig grossi spinne und suschtigi insekte bsuecht. isch mega spannend gsi. haend am strand ae wasserschildchrot gseh schlafe :-) frischi muschle haemer us em sand zoge und probiert... na ja... noed ganz min gschmack... aber probieren geht ueber studieren
Bye bye australia... jetzt gahts wiiter nach neuseeland. haet eus super guet gfalle trotz all daene unwaetter.
nacheme erholsame tag i de hot-springs in hamner springs haemer en walk de kueste entlang vo kaikoura gmacht... sind duzende vo seehuend begaegnet oder bessergseit haend eher probiert de seehuend uszwiiche... isch echt schwierig gsi de vorgschlagni abstand vo 10m zu allne tier izhalte. zum glueck stinket die seehuend so... somit haemer ae vorwarnig gha bevor mir um de naechsti felse gloffe sind ;-)
wunderschoene tuerkisblaue see umrandet vo berge und ueberall haesli wo umehuepfed.
sind zu de mueller hut gwanderet und det ei nacht uebernachtet. wunderschoene staernehimmel gha i de nacht. schoene berg und gletscher aber nie so schoen wie eusi berge dihei ;-) nur keas (vogel) faehled bi eus dihei.
pinguine sind am abig us em meer uftaucht und haend sich es schlafplaetzli i de felse gsuecht. es paar haend sich aber bis i d'wise ufe verirrt.
fantastisch wie die chugelrunde stei mit ihrne gheimissvolle zeichnige usgsehnd
d'seeleue wo fuul am strand umeglaege sind haend eus bsunders guet gfalle bi de catlins. wo daenn so en riise chog vo sim tuefschlaf oepe 7meter naebed eus verwachet isch und ufgstande isch haemer scho nachere fluchtmoeglichkeit umeglueget... er haet sich aber nur einisch duregschtreckt, gaehned und isch uf de andere siite vo sim kompane wieder aneglaege und haet wiiter pfuset. suscht hamer schoeni landschaft,e wie zum biespiel de nugget point, gnosse.
sind ziemli spat gstartet fuer euse angeblich 9h track (27km). haend so gas geh das mir i 5stund scho wieder bim auto gstande sind... am naechste tag haemer daefuer extrem muskelkater gha...
haend waeg eusem muskelkater nuet meh gschafft als uf de huusberg zlaufe... aber isch au schoen gsi.
haet extremi optischi tueschige und illusione i dem puzzle world. Nach em Labyrint isch eus ganz truemmlig gsi. ziemli verwirrendi sach gsi. ein spass fuer gross und klein!!!
bi däne zwei tüüfblaue gletscher simer jewils dur wäldli, über gröll, a wasserfäll und iismöcke verbii zum gletschertor gloffe.
euse absolut lieblings nationalpark uf de suedinsle. haend eus mit em taxiboot an uesserschte punkt vom np useschiffe la und sind daenn 3tag de costal track retour gloffe. alles de kueste entlang mit wunderschoene ussicht uf s'tuerkisblaue meer und all die lagunene. zum teil haemer d'ebbe muese abwarte will suscht kein zuegang zum wiitere waeg haesch. sind aber au daenn no bis mitti oberschaenkel dur s'wasser gloffe. zaeltet haemer wie amene privatstrand... sind fascht allei gsi und haend am morge choene zum zaelt usechrueche und grad en sprung is wasser mache :-) nur die laeschtige sandfluege hetted noed muese si... die stich biiset abartig und das ueber mehreri taeg.
isch das schoen gsi bekannti gsichter ztraeffe!!! haend en feine spahgettiplausch mit euse fruende gmacht und die eint oder ander wiiflaesche killt ;-)
leider haets uf de ueberfahrt uf d'nordinsle graegnet.
absolut ueberwaeltigende astraengende 3tages-track. sind de northern circuit gloffe. haend am erste tag euses gepaeck nach 3h laufe i de uebernachtigshuette abglade und haend eus grad uf e wiiteri strecki 1.5h de berg duruf und daenn en 3h abstaecher uf de mt.ngauruhoe (en aktive vulkan) gmacht. de waeg haet mer sich saelber dur loses vulkangestein muese bahne. ganz schoen astraengend gsi. dobe acho haet s'waetter umgschlage und de naebel isch ufzoge... die wunderbari ussicht isch somit zum teil extrem igschraenkt gsi. nach 3h, wo mer wuerkli grad gar nuet meh gseh haend, haemer de steili abstieg in agriff gnoh... sind doch es paar mal ziemli umeschlieferet und umgheit. aber ohni grossi verletzige ueberstande. am naechste tag isch so super schoens waetter gsi das mirs noed haend choene lah zum de vulkan nomal zbestige und die ueberwaeltigendi landschaft zgnuesse. haend daenn aber no wiiteri 6h muese laufe bis zu de naechste uebernachtig. total idruecklich die krater und knuetsch blaue seeae. de dritti tag isch leider bewoelkt und raegnerisch gsi. schad... will de track waer zwuesched zwei vulkaen wiiter gange und somit haemer die gar noed gseh.
zum eusi aerm au wieder mal chli ztrainiere haemer ae 4taegigi kanutour vo ohinipane nach pipiriki uf em whanganui river gmacht. haend 5 wasserfeschti faesser uebercho wo all eusi ueberlaebenswichtige artikel drin haend muese platzt ha. 2 mit aesse und 3 mit trochne chleider, schlafsaeck, zelt und gaschocher. sind is kanu gsetzt worde, haend eimal rasch muese en chreis fahre und daenn haets nur no gheisse: you will be fine... see you in 4days. und scho simer di erscht schnelle durab ziemli schraeg cho und quer uf em ufer glandet... nach daene afaengliche schwierigkeite (sind ziemli zick zack gfahre und somit de doppelti waeg uf eus gnoh) haemer de tackt doch no gfunde und sind einigermasse gradus paddlet. ab em zweite tag haets kein strasseverbindig me geh. mir sind also sozaege mit em fluss verhueratet gsi. ussert es paar geisse und ae wunderschoeni landschaft haets gar nuet gha. i de huts haemer daenn wieder anderi luet troffe. aber uf em fluss simer muus bei allei gsi. mir haend total muese ufpasse das mir noed a de uebernachtigsmoeglichkeite verbii gfahre sind. irgendwo im hoeche gras versteckt isch grad erscht uf hoechi hut oder zeltplatz ae beschiderig gsi. da d`streckene doch ziemli lang (bis 7 stund) gsi sind und euse "riverguide" (saelberzeichnet mit ungefaehre ziitagabe) au noed grad viel usgseit haet, haemer immer ganz genau muese luege das mit de stop noed verpassed :-)
s`haet ziemli stromschnellene gha... die schlimmscht isch churz vor em ziel gsi... voll lustig gsi, mir haend nur knapp noed kennteret, s kanu isch bis 5 cm underem Rand mit wasser gfuellt gsi (kei wunder bi ueber 1meter hoeche waelle). wo mir euses kanu endlich fertig usgschoepft gha haend sind zwei kanadier uf die schnelle losgstueret. mir haend grad ihre untergang choene mitluege... insase, kanu und material sind i verschiedeni richtige triebe :-) aber mir mit eusem guete herz haend natuerli erschti hilf gleischtet und alles igfange inkl. maa und zrug bracht i ihres kanu.
mir händ i de gluehwuermlihoele s`black water rafting gmacht. das heisst mir haend en trockeazug, e stirnlampe und en tubingring uebercho und sind so die fantastische tropfsteihoele go erkunde. teilwiis isches scho fascht es canyoning gsi. en traum isches aber gsi wo mir eusi stirnlampe abgschalte haend und um eus millione vo gluehwuermli gluechtet haend. mir sind eus vorcho wie zmitzt imene sternehimmel. hammer!!!
in ganz rotorua stinkts nach schwaefel. ueberall sprudlets und ruechts us em bode. aber nach es paar taeg gwoehnt mer sich scho fascht dra.
da s´langsam aber sicher chalt wird, haet euse waeg zu de hot springs gfuehrt... suetig heisse quelle wo direkt is iis chalte flusswasser muendet. soo schoen!!! nach oepe 4stund ufwaerme simer wieder zrug zum chalte zaeltplatz. es traditionells haka haet natuerli au noed doerfe faehle. isch ziemli witzig gsi... so oepis unkoordinierts haemer no saelte gseh. aber d`maoris haend sich sichtlich mueh geh :-)
nach all däne wunderschöne idrück und erläbnis simer no rasch an beach go entspanne bevor mir uf auckland gfahre sind.
Welcome to paradise ;-) nach guete 3moenet zaelte haemer eus es haetzigs bungalow mit langoonview goennt. soooo schoen gsi wieder mal imene bett z´schlafe!!! bim schnorchle hamer 12 adlerroche oepe 1 stund lang begleitet. bim romantische abigspaziergang sind ploetzlich haifischflosse zum wasser us gragt. ziemli cool gsi die haie bim jage z´beobachte. bim tauche simer mit diverse haie und schildkroete ueberrascht worde... haend gstuunet wo en lemonshark vo 3.2m laengi uf eus zue gschwumme isch. super gsi!!!!
das tauchermekka!!!!!!!!!!!!!!!!! mir choend nur no schwaerme... die fantastischte tauchgaeng uf erde haemer da doerfe erlaebe... delfine wo bis zu eim meter noech ane cho sind, mantas vo 3.5m groessi, adlerrocheschwaerm das mer de grund nuem gseh haet, hunderti vo diverse haie, wovo mir einisch vom groesste bekannte haischwarm uf erde sprich 300stuck umzinglet gsi sind, schildkrotte wo mir haend muese uswiiche das eus noed grad tuschiert haend, riisigi napoleons wo so noech cho sind das mer daene ihri wunderschoene muster haet choene bestuune, riisigi baracuda-, und tunaschwaerm und no viel meh... fantastisch!!!!!!!!!!!!!!!!!!!!!!! leider haemer kei unterwasserkamera gha. das het sich echt glohnt. aber wenn mir eusi auge schluessed choemer alles wieder gseh und nomal erlaebe : -) rangiroa an sich isch au ganz schoen. es isch s´groescht atoll uf de welt. wunderschoens tuerkisblaus meer und korallestraend.
mir haend eus ufeme zaeltplatz direkt a de klippe wo alles us vulkangestein bestat niederlah. miteme scooter haemer die ganz insle, wo ganzi zwei strasse durchqueret, erkundet. sind all moai (steistatue) go aluege. viel sind bi unrueh vor jahrhunderte umgstosse worde. aber es haet doch no viel guet erhalteni moai gha. d´groessi vo daene isch raecht idruecklich gsi... riisig zum teil!!! au ueberall haets wildi ross gha... zum glueck sinds ziemli schuech gsi und weg vo de noed immer ganz guet intakte strass gange. sehr idruecklich sind die wunderschoene vulkankrater gsi. gfuellt mit luecht blauem wasser.
nach 4 tag santiago de chile simer mit em liegebus ( verglichbar mit first class im flueger) 13 stund nach puerto montt gfahre. det simer ufs frachtschiff umgstige und dur d´fjordlandschaft nach patagonie gfahre. unterwaegs haemer vo wiitem fontaene i d´luft spruehe gseh... sind a oepe 20 buckelwahl verbii gfahre wo au ab und zue ihri flosse zeigt haend. pinguine sind mit de waelle mitgritte und us de waelle gumped. eine haets grad ueberschlage wo er chli zviel alauf gnoh haet ;-) seehuend sind au immer wieder am schiff verbii tribe. ansuschte haets viel wasserfaell und berge gha. richtig puerto natales haends daenn au es schneechroendli uebercho.
Chum in puerto natales acho, haemmer eus ueber de torres del paine nationalpark informiert und eus entschiede de W-trail i 5 tag/ 4 naecht zlaufe. am naechste tag haemmer eus mit sack und pack uf de weg gmacht. uf eusem buggel haemmer s`zelt, schlafsack, campingusruestig, ersatzkleider und schueh, aesse fuer 5 tag... mitgschleppt. nur s`wasser haemer chone waeglah... us jedem see und bach chan mer das mega feine wasser trinke, ohni abzchoche oder behandle. somit haemer eus doch einigi kilos zum schleppe choene ispare ;-). nach 2stund bus- und 30min katamaranfahrt haemer eus uf de waeg zu eusem erste schlafplaetzli bim grey gletscher gmacht. bi all daene zaeltplaetz haets e chlini ueberdachig gah zum choecherle. da mir direkt naebem gletscher uebernachtet haend, isches i de nacht natuerli raecht chalt worde... drum haemer eusi petflaesche mit heissem wasser gfuellt und eusi schlafsaeck scho mal vorgwaermt. han daenn aber glich no mit chappe, schaal und haendsche muese schlafe :-) zu de chaelti ane isches abartig windig gsi. de wind isch zum teil so stark gsi, dass s´wasser vomene wasserfall de bode gar nie erreicht haet und nur i d´luft gwirblet worde isch. au mir haned eus ab und zue guet muese feschthebe dases eus noed daevo blase haet (kein scherz!). haend atemberaubendi ussichte uf gletscher, iisscholle, berge und seeae gha. immer wider sind raegeboege uftaucht und wieder verschwunde. uf em wiitere waeg ueber stock und stei haemer au immer wieder fluess muese ueberquere. die einte haend "brueggli" gha (wo mer noed ganz gwuesst haet wie lang die braetter no hebed) und di andere haet mer mit viel glueck und gschick muese ueberquere. bi eim extrem riisende bach haemer eus oepe 30minute ueberleit wie mir am beste as andere ufer choemed... mir haend kein waeg gfunde ohni nass zwaerde. de philipp isch sogar dur de starki wind vomene stei abeblase worde und isch bis mitti oberschenkel is iiiiiiis chalte wasser (gletscherbach) gfloge. a daem tag haemer es riise glueck gha das grad e warmi briise gange isch und dur de verruckt starki wind haend sini hose und schueh im nu troechnet. zum glueck haend mir so e guets wind und wasserfeschts zaelt!!! viel zaelt sind am morge nuem erkaennbar gsi. nur euses isch no tip top gstande :-) naeb gletscher haemer natuerli di beruehmte torres del paine und die herbstlich farbig landschaft bestunt.
isch cool (und chueel) gsi, patagonie am eigene liib z gspuere und z erlebe!
Gigantisch!!! es isch nur scho so spannend gsi die spannige im iis z`goere. immer wieder haets knirrscht und krachet und daenn isch wieder ae iisscholle abbroche und is gewaesser gstuerzt. wahnsinn gsi!!!
in el chaltén ischs noed nur chalt, es haet au e mega schoens gebirge. s Dorf isch uf 400m und de berueemti cerro de Fitz Roy mit sine 3400m erhebt sich direkt vor de nase. Um e mega ussicht z gnuesse simmer dur de schnee gstampft. natuerli sind au es paar schneeballe gfloge ;-)
haend e herzigi unterkunft gfunde. waen mir ume gsi sind isch e schnuesigi chlini chili uf bsuech cho :-)
ufeme berg simer holzskulpture go aluege
da sind mir nur no sprachlos... absolut de wahnsinn!!!!!! es meeeega highlight :-)
sind am erste tag di brasilianisch- und am zweite tag di argentinisch-siite go bestuune. beid sind eifach genial gsi!!!
eimal meh ä langi busfahrt. dasmal hämer aber e super ussicht gah. verbi a wunderschönem gebirge, kaktuslandschafte, salzwüästi und vielne alpacas und esel
die total ueberraschig wo mir us em bus gstige sind... lehmhuettli zmitzt i de wuesti uf 2600m. haend zerst gmeint das seg en witz wo mir da glandet sind... aber bim noechere betrachte isches es mega schoens und heimligs doerfli wo mer extrem viel naturwunder chan go bestuune und gspuere... isch ja de hammer gsi wo mir i de salzseelagune is wasser gstige sind... dur de 30% salzghalt simer grad obe ufgschwumme... isch ja e extrem cools gfuehl gsi!!! so haet sogar am philipp schwuemme (baedele) spass gmacht ;-) amene andere tag simer mit em velo ae ruine go aluege und sandduene go betrachte. da fahrt mer eifach mal is nuet use und trifft unterwaegs hoechstens mal es lama :-)
Sind am morge am 8i mit en minibus uf 4500 meter hoehi a di bolivianisch graenze gfahre worde. ab det haet di teeret strass ufghoert und es neus abentuer haet agfange... scho de graenzposte isch ae verlottereti schuer gsi. s´erschte wo mir gsichtet haend isch en verrottete bus ohni reder zmitzt im middle of nowhere. mir sind daenn grad ufklaert worde das es da kei wc´s git... alles nach luscht und laune in der natur... euses gepaeck isch uf en 4x4 jeep glade worde und los ischs gange ueber stock und stei, bis uf 5700 meter ueber meer, verbii a vulkaen, geysire, diverse lagoonene und salzseeae. bi de laguna colorada (4300m) haemer uebernachtet... natuerli haets kei heizig gha und d`faensterschiibe isch kaputt gsi. bitter chalt i de nacht!!! und en wunderschoene staernehimmel!!! d´hoechi haemer doch au chli gspuert... en dumpfe druck im chopf haet eus uf daere tour begleitet. aber dur die super schoen naturlandschaft haemers choene verdraenge. ganz super sind die vile flamingos i dae rosa/ orange-farbene lagoona colorada gsi.
d`8 stunde busfahrt vo uyuni nach sucre isch au e raechts erlaebnis gsi... vo churze ( es paar hundert meter) agnehme teerete strasse bis zu de heftigste rumpelwaegli und dur baech isch euse busfahrer mit vollgas unterwaegs gsi. sogar dur doerfer, wo chind am strasserand gspielt haend, ischer miteme affetempo grast. immer wieder sind alpacas churz vor em zaemestoss mit em bus uf d`siite gspidet. hinder eus isch es alts ehepaerli ghocket. d`frau haet sich jensti cocabletter is gsicht klaebet gha und er haet jedesmal "vamos, vamos rapido" zum busfahrer gruefe wo de bus chuz i de pampa aghalte haet zum en iheimische usstige la. eus waers lieber gsi de busfahrer waer chli gemaechlicher gfahre und het noed immer so di enge kurve gschnitte (zum teil simer doch ganz noech am abgrund gsi...) aber de iheimische chas angeblich noed gnueg schnaell ga. und mir sind ja doch di einzige turiste im bus gsi. eimal simer ploetzlich vo de einigermasse agnaehme chiisstrass waeg gfahre und über di groesst holperpiste wiiter dueset... wo mir usem faenster glueget haend haemer ae brugg gseh wo i de mitti usenand krachet isch. anstell die brugg wieder zflicke wird hald eifach e alternativroute dur de bach gnoh... so sind hald die bolivianer :-)
sucre isch e haerzigs staedtli zum es paar tag z`verwiile. ueber de mittag gits spezial 3-gang menus inklusiv getraenk fuer sfr 2.20. super gsi!
welcome to huupkonzert city!!!
wow... isch das e beidruckendi stadt. sie isch wie en chessel us bachsteihueser und erstreckt sich vo 3200meter bis uf 4100 meter. det uf de hochebeni liit au de hoechst glaegeni flughafe vo de waelt. de fantastisch schneeberg illimani mit sine 6439meter chamer vo la paz us bestuune. im zentrum isch e permanents verkehrschaos und ununterbroche wird ghuuped. us de sammeltaxis laened d`luet us de offene tuere use und rueefed imene unglaubliche tempo und ohni eimal luft z`hole de zielort (zum biespiel potosipotosipotosipotosipotosipotosiii) dur gaegend. da chas eim wuerkli truemmlig waerde daebi. rotliechter interessiered die bolivianer au noed immer. zum de verkehr einigermasse in griff z`becho haets luet i zebrakostuem wo d`autos ahalted zum mal en fuessgaenger durezlah.
am strasserand haend di iheimische ihri chline staendli wo alles moegliche verkauft wird. bsunders haerzig sind kinderchleider!!! wahnsinnig sueess.
wo mir mal wieder ueber de mittag s`menu del dia bstellt haend, haemer en hueenerfuess i de suppe gha... eus haets grad abgloescht aber d`bolivianer liebed ja alles was chnoechig und chnorpelig isch...
downhillstrecki vo 4700meter abe bis uf 1100meter... das heisst vom schnee i trope und das uf de gfoerlichste strass uf de waelt... ja ich han am afang uf daere holperstrecki scho chli mueh gha... aber gaeg de schluss haets au mir spass gmacht ;-)
uiuiui... isch die busfahrt vo la paz uf rurrenabque gfoerlich gsi... sind mir froh laebed mir no!!! nichts ahnend simer in bus ghoecklet und haend daenkt mir heged ae normali 17 stuendigi burfahrt vor eus... die meinig haet sich nach 20minute fahrt schleunigst gaenderet... d´strass (wenn mer das ueberhaupt so doerf naenne) isch eigentli sozaege en trampelpfad am abhang ueber ere schlucht gsi. breiti so zwuesched 2und 4 meter (waenn mer glueck gha haet). da choender eu sicher guet vorstelle wie sich uf sonere strecki (mit noed ganz wenig verkehr) sich zwei bues oder laschtwaege chruezed... geschweige daenn, dass die bolivianer kei geduld haend und immer grad sofort ufschluessed... noed nur eimal haemer wieder muese hinderschi (schier de abgrund durab) fahre. waenn mir usem faenschter glueget haend, haemer kein bode meh gseh sondern nur no ca. 600meter wiiter une de fluss choene betrachte... isch ziemli angstifloessend gsi... zum glueck haets so viel baeum und gebuesch gha i de schlucht, das mir noed gseh haend, wieviel autos, bues und laschtwaege scho det une ligged. zu allem ane haets no bi daemmerig agfange i stroeme schiffe... das haet d´situation noed no besser ghacht und d´strass haet au noed welle ende... no schlimmer... dur de viel raege isch die ganz strass zumene riise sumpfgebiet worde... das waer ja no gange waenn mir noed ae baustell im sumpf hetted muese umfahre... natuerli simer 2stund vor em ziel fuer 6 stund im sumpf stecke bliebe... bi de bergigsmanoever isch au de bus schier kipped... da mir aber daere sach im algemeine nuem traut haend, simer zum glueck vorher no usgstiege. anstell das eus anderi bues usezoge haend, simer immer wiiter i d´scheisse grutscht... eusi busfahrer und begleiter haend mit aller kraft de bus wieder usgrabe. i daere ziit haend ander bues und pw´s ihres glueck versuecht... isch ja luschtig gsi... eine nach em andere isch igsoffe und stecke blibe... es haet immer eis gejole geh, waenn wieder es rettigsmanoever glunge isch ;-) ja ja... nach 6 stund isch au fuer eus d´fahrt wiiter gange... aber noed lang... nach oepe 30minute simer scho wieder stecke blibe. aber dasmal zum glueck grad naebed ere baustell wo au luet und tracktore gsi sind. somit isch die rettig schnaeller gange und mir haend euses ziel rurranebaque au no erreicht... happy end!!!
Haend eus zerscht 2 tag erhole muese vo daere angstifloessende hireis nach rurrenabaque. wunderschoen da!!! haend e 3 taegigi dschungeltour buecht. sind zerscht uf em rio beni 5 stund lang mit em long tail boat de fluss duruf gschiffet worde. unterwaegs haemer immer wieder schildkroete gseh uf de baumstaemm suennele, kaimane sind am uferrand glaege und unzaehligi farbigi schmaetterling sind umegfloge. nach akunft simer i euses camp, wo mir di erscht uebernachtig gha haend, gloffe. das camp haet so usgaeh... jede vo eus haet es sidevorhaengli uebercho, das amene ast abunde und somit haet jede sis himmelbett gha zum drunder ligge :-). euse choch haet sich daenn grad is zueg gleit und mir haend i daere ziit euses glueck versuecht mit piranhas fische... sind gar noed so schlaecht gsi... 3 piranhas und 5 sardine haemer us em gwaesser zoge... und frittiert zum znacht uebercho... fleisch haets nuem viel dra gha... keis wunder... die iheimische haend au lieber knakigi choepf zum aesse als s´feine fleisch :-) aber mir haend noed muese hungere... es haet riiichlich z´aesse geh!!! bi nachtibruch simer mit de taschelampe nach tier go sueche. haend affe, schlange, diversi spinne und insekte gsichtet. zrug im camp haets ae traditionells indianer-ritual geh zum die boese geister z´vertriibe. fuer das haets fuer alli wii und cocablaetter geh ;o). am zweite tag haemer eus ueber di diverse pflanze und baeum und daere ihri wuerkig belehre la. mega spannend gsi. haend eus doerfe schmuck mache mit saelber gfundene minikokosnuess. nach daere bastelstund simer scho wieder bim fische glandet. dasmal isches um groesseri catfish gange... au die haemer samt graete und chopf am abig i de suppe gha... na ja... euse gschmack haends noed so troffe. haend daenn no ae vogelspinne i ihrem dihei ufgsuecht. riisig gsi!!! am 3te tag haemer nomal ae chlini tour im dschungel gmacht und daenn isches au scho wieder ziit gsi zum retour nach rurrenabaque zfahre.
vo rurrenabaque haemer e pampas-tour gmacht. sind mit em 4x4 ueber extremsti ruettelpiste zu de pamapas del yacuma bracht worde. det simer in es long tail boat mit 8 sitz umgstige und haend die sagehaft schoeni landschaft und di viele tier vom boot us choene gnuesse. also noed nur vom boot... bi eusere unterkunft haets zwei riisigi krokis (de alligator alias pedro und de pepe de kaiman) sozaege als huustier gha. die sind amigs oepe 5 meter nabed eus zum wasser us cho. immer wieder sind flussdelfine am camp verbii gschwumme. au affe und tucane sind immer wieder i de noechi vom camp uf de baeum turnet. wo ae affegruppe grad ueber eusne choepf umeturnet isch, haemer ploetzlich troepfli gspuert... jetzt haend die doch ernsthaft agfange uf eus abe bisle... mir sind daenn aber schnaell uf und devo!!! naebst daene tier haemer ae chlini anakonda gfunde, capybaras gsichtet, schildkroete und diversi riisigi voegel, under anderem 3 uehle, beobachtet. also krokis haets ja wuerkli ueberall gha... aber genau a eim platz chan mer ebe glich go bade... und das isch det wo d´flussdelfine sind... nur haend mir immer wieder flussdelfine a orte gseh wos grad naebed dra vo krokis gwimmlet haet. hmmmm aber mir haend eus glich is wasser getraut und haends eus noed entgah la mit de delfine zschwuemme. im nachhinein ziemli waghalsig wills ja doch au no anakondas und piranhas im wasser haet. es isch aemel no alles dra ;-)
wow isch das schoen heiss gsi in rurre!!! richtig tropisch!!! haend e super unterkunft gfunde... fuer sfr 3.40 pro person aes doppelzimmer mit bad, inklusive super guete zmorge... da haemer no choene zwuesched pancakes (uebertraeuflet mit honig, schoggi, konfi oder dulce de leche) mit divere fruecht oder omlette mit gmues und brot waehle ;-) ueberall sind haengematte ufghaenkt gsi und haend zum relaxe iglade!!!! au vo de banane haemer eus jederziit doerfe bediene und d´ussicht uf de rio beni isch au super gsi... eifach es traeumli!!!
sind uf e 5-taegigi kanutour in amazonas gange. leider haemer noed so guets waetter gha. drum sind viel tierli i ihrne versteck blibe. aber trotz allem haemer 5 verschiedeni affearte uf de baeum gseh turne. 3 baumboas haend sichs uf de baeum bequem gmacht und es fuultier isch i de escht am pfuse gsi. i de laguune haets flussdelfine, piranhas, aligatore und kaimane gha. am erschte abig simer uf e nachtwanderig ufbroche. haend diversi spinne, insekte und en aff gseh. s`gschrei isch aber losgange wo mir unbemerkt dur e strass vo army ants (wanderameise) gloffe sind und die eus regelraecht agriffe haend... die haend sich mit ihrne stachelklammere am muul i eusi kleider verbisse und eus dur d`hose dure gstoche. ueberall sinds gsi... i de gummistiefel, a de hose, jacke... waegbracht haemers nur i dem mir jedi einzeln ameise vo eusne kleider waeggrisse haend. krass so oepis!!! die erscht nacht haemer daenn i zaelt uebernachted und nachane haemer i herzige bungalows gschlafe. cooli mitbewohner haemer i eusem huettli gha: Geckos, Baumfroesch, Skorpionspinne, Wolfsspinne (haet eus doch grad mit gift bespruetzt) und handgrossi Kakarlake...
churz nach eusere akunft mit em kanu sind scho 2 bruellaffe a eusere unterkunft verbii turnet. bi de walks im amazonasgebiet haemer chli ae unagnehmi begaegnig mit de usgwilderete affe gmacht... mir sind mit anderne 4schwiizer und eme lokale guide im dschungel umegstieflet. voller freud haemer dae bruellaffe zueglueged und haend eus gfreut wos au chli noecher cho sind... de guide haet daenn mal so schuech gseit das die affe es baby haend und mir wiiter laufe soeted, will die affe chli aggressiv werde choented... und scho sinds naebed eus gstande und s´alfa maenndli haet zaeh gflaetscht und so am baum gruettlet, das en riise ast abbroche isch. mir sind ziemli schnaell wiiter gloffe. nachere churze verfolgigsjagd haend sie sich daenn zrug zoge. churz drufabe simer wieder umzinglet worde vo spidermonkeys... die sind alli hinder, naebed, ueber eus gsi und haend eus zaehnefletschend droht. mir haend probiert moeglichscht schnaell vorwaerts zgah... nur isch nach es paar meter es affewiibli mit ihrem baby i de aerm genau uf eusem fluchtwaeg ghoecklet... ich bin zweitvorderst gsi und han nur vo hinde ghoert ruefe: achtung sie choemed... schnaell goend, sie sind szweite... und de guide haet nur vamos, vamos gruefe... uiuiui haend mir en adrenalinspiegel gha!!! de guide wo mit de machete zhinderscht probiert haet die affe abzwehre, haet am philipp en ascht abgschnitte und ihm i d´hand druckt zum sich wehre... daenn isch er wieder zu eus fuehre cho und mir sind im grosse boge um das wiibli gloffe. mir all haend eus i de zwueschaeziit mit staecke bewaffnet... haend sie aber zum glueck noed muese isetze :-). ja und daenn haend au die affe daenn mal abstand gnoh und de ganz spuck isch verbii gsi... es erlaebnis wo mir jetzt guet choend drueber lache aber grad im moment isches allne nuem wohl gsi.
oooohh isch das super da... es haet es schwiizer restaurant mit roesti, raclette, fondue und bratwurst... mmmmmmhh super gsi. suscht haemer es velo gmieted, sind uf en ussichtspunkt en vulkan go aluege...
mir sind ufere fantastische 8-tages schifffahrt gsi und aschluessend 4tag uf santa cruz und 4tag uf san cristobal. eifach unglaublich die tierwaelt und naturlandschaft. unglaublich isch, dass die tier kei angst vo maensche haend. mer mues diraekt ufpasse das mer noed uf d´iguanas tramped will die ueberall umeligged. zum teil isches eus fascht truemmlig worde will mer gar nuem weis wo ane luege... im wasser tuemmlet sich seeloewe, immer wieder taucht en schildkrotechopf uf zum luft hole, glichziitig chrablet die knall luechtige rote kraebs uf de lavafelder umenand wo sich au 100ti iguanas sunned und naebeddra troechnet en komoran mit sine luecht blaue auge sini faedere... eifach fantastisch die waelt!!! ganz herzig isch au gsi wo mir en namittag muusbei allei am strand mit ca. 120 seeloewe verbracht haend. au bim schnorchle sind immer wieder d´seeloewe cho und haend wele spiele. suscht haets unmaenge vo meeresschildkroete gha wo fascht i eus inegschwumme sind. bim tauche sind bis zu 16 hammerhaie under eus duregschwumme. au die riise galapagosschildkrote haemer choene i de wildnis beobachte. ae absoluti must-destination fuer jedermann!!! chan nur no schwaerme!!!!!!!!!!
santa cruz und san cristobal haemer nach eusere fantastische cruise um d`insle isabella mit de angelito jacht no uf eigeni fuscht erkundet... die natur uf de galapagos isch eifach unbeschriiblich. so wie bi eus es buesi uf de strass umelauft isches uf de galapagos daenn eifach en seeleu ;-) totoal witzig!!!
ussert grad i de stadt simer immer ganz allei mit all daene fantastische tier gsi... eifach einmalig!!!
Isch scho chli en Kulturschock gsi vo südamerik i d'staate. Total hektisch uf de strasse aber doch sicherer als in equador :-)
Ersti station isch de everglades nationalpark gsi. Der totale reinfall... Da s'independent day weekend gsi isch, hämer scho schwär dänkt, dass es möglich wär, kein zältplatz meh z'becho im nationalpark. Mir händ eus dänn im visitorcenter nach freie zältplätz informiert... Die frau hät gmeint es söt einigi plätz frei ha. Zu eusem erstune simer sogar di einzige gsi... Händ bim usstige vom auto au grad verstande warum wiit und breit kein andere mänsch sichtbar gsi isch... Mir händ eus det sozäge dä mugge zum frass vorgworfe!!! also abartig wie die zu hunderte uf eus los sind. muggemittel, umeraenne oder in rauch hocke... es haet alles nuet gnuetzt. sind daenn am naechste morge us em everglades gfluechtet und richtig florida keys tuckerlet und haend en gmuetliche zaeltplatz ohni mugge gfunde :-) nach 2tag simer wiiter uf fort lauderdale. am strand haets viel absperrige gha wo loggerhead-schildkroete gnaeschtet haend. am erschte abig haemer eus mit eusne taschelampe usgrueschtet und sind an strand abe uf schildkroetesuechi... mit grossem erfolg!!! sind nach 2minute a ae schildkrot anegloffe wo grad am eier lege gsi isch und 30minute spoeter haemer chlini schildis gseh schluepfe und is meer raenne... mein gott isch das suess gsi!!!! en mega traum gsi vo mir zum das mal doerfe miterlaebe :-)))))))
nach daem schoene naturerlaebnis simer i di kitschig waelt vom amerikanische fernseh gstige... orlando, universal studio und adventur island. haet doch no paar cooli achterbahne und filmidrueck gha. de philipp haet wie es chlises chind gstrahled wo er d'simpsons gseh haet und de homer haet doerfe umarme fuer es foeteli ;o)
das waers daenn au scho gsi bi eusem kurzufenthalt in florida.
die paradiesinsle vo Hawaii. Im norde mit tropisch grueene berge und traumhafte kueste. de suede mit tuerkisblauem meer und wiise sandstraend!!! haend eus uf de zaeltplaetz niederlah... direkt a de straend under de palme. mega schoen gsi mit em meerrusche izschlafe und verwache.
die groescht insle vo hawaii mit (fascht) allne klimazone. vo de tropische waelder ueber 4000m hochi berge mit mondlandschaft zu de riisige lavafaelder, schoene schwarze, gruene oder wiise sandstraend.
haend uf meereslevel uebernachtet und am naechste tag simer uf de mauna kea gloffe wo uf 4205meter gsi isch. bitter chalt und windig gsi. aber das haet bi daere ussicht nuet usgmacht... sind ueber de wolke gsi und haend di schoen kraterlandschaft gnosse.
a gwuesse straend haets unglaublich viel wasserschildkrote gha. die haend sich vo eus gar noed stoere lah und sind eifach ihre waeg gange, so das mir haend muese uswiiche, dass sie noed grad i eus inegschwumme sind :-) am black sand beach sinds sogar an land cho go suennele... wo ich am morge us em zaelt kroche bin isch mir grad ae schildchrot is aug gsprunge. die isch gmuetlich fuer mehreri stund ud em schwarze sand glaege und hets sich a de sunne gwaermt. mega suess!!!
im vulcano nationalpark simer chli entduescht worde... jetzt isch doch ueber 40jahr jede tag lava is meer gflosse und sit daem maerz nuem. nachere erruption isch de lavakanal wo das lava gflosse isch zuegange. aber ae entschaedigung haets geh... zur ziit isch en krater ziemli am dampfe... i de nacht haets gluehig orange/rot us em krater usedampft. vo wiitem haemer au s'magma ghoert broddle.
unvergaesslich und eimahlig isch de nachttauchgang mit de manta rays gsi. 6 verschiedeni mantas sind i daere stund uftaucht und ueber eusi choepf hinwaeg zoge. wahnsinn!!!
miteme mini-flüüger für ganzi 9passagier simer uf maui gfloge. dur das es so starch gwindet hät isches ä ziemli rüttligi aglägeheit gsi. usgschnufet hämer wo mir glandet sind und euses gepäck händ dörfe zum flüüger use zieh. händ euses mietauto engäge gnoh und sind zu eusem zältplatz düset. händ als erstes de nordweste uskundschaftet. es paar schöni klippe händ sich zeigt. zum schnorchle isches leider nüt gsi.
wiiter in oste isches immer tropischer worde. wunderschöni pflanze und feini mangos und passionsfrücht hämer gfunde wo mir dänn bi de schöne vulkan-klippelandschaft gässe händ. mmmhh!!! wiiter simer zu ere schlucht wo mehreri pools iglade händ zum bädele. en walk zumene wasserfall hät dur en wunderschöne riisige bambuswald gfüärt. super schön gsi!!!
s`highlight vo maui isch d`kraterlandschaft im haleakala nationalpark gsi. uf über 3000meter über meer liit ä atemberaubendi vulkanlandschaft. händ e wunderschöni tageswanderig dur das naturwunder gmacht. speziell isch au de sunneufgang gsi. bi iisige temperature simer zmitzt i de nacht ufgstande, zum summmit gfahre und sind de fantastisch sunneufgang oberhalb vo de wolke und de kraterlandschaft go bestune. händ zur iversucht vo anderne touriste euse benzinchocher und alles für de morgestart mitgnoh und händ bi sunneufgang zmörgelet mit heissem tee und kafi ;-)
die letschte 3tag simer eus am meer no chli go entspanneund und go schnorchle. händ immer wieder wasserschildchrote und suschtigi meeresbewohner gseh. schön gsi.
nachere churze sightseeing-tour simer scho uf d`suechi nacheme passende auto für di letscht etappe uf eusere reis. sind nach churzer ziit au fündig worde: en dodge grand caravan. sind zum nächste ikaufscenter und händ euses neue dihei zunere wohnig umgwandlet ;-)
so isch eusi reis losgange mit voller erwartig uf wildi tier... was träffemer am erste abig a... ich glaub da chönt mer lang rate... es stinktier ;-) händ eus schön uf distanz ghalte!!!
in whistler simer eus vorcho wie dihei imene herzige skigebiet. a däm weekend häts au grad no äs gratis openair bim schönschte und warme wätter geh. am strasserand isch scho de ersti schwarzbär gstande und hät graset. da mir uf kein zältplatz sind hämer mal eusi solarduschi usprobiert. sind eus im chalte bergsee go anetze und dänn in busch verschwunde und frisch duschet wieder usecho ;-)
Bim zmorgeässe hämer en fräche bsuech übercho... ich chan das eichhörnli total nahvollzie... erdnüsslibutter isch eifach super!!!
händ die sunnetäg relaxend am meer und see gnosse. swasser isch zwar scho zügig chalt gsi. zur abwächslig hämer en chline walk zumene schmale fjord gmacht. det isch d`eppe und fluet so extrem, dass gwüssi meeresbewohner zum teil nüm im wasser gsi sind... mega schöni violetti seesterne sind am ufer gläge und händ druf gwartet bis de meeresspiegel wieder astigt. i dä strömig vom wasser hätmer riisendi wirbel chöne gseh
mit dä fähre sind mir in campbell river acho. händ chlini wanderige zu schluchte und wasserfäll gmacht. de absolut wahnsinn isch aber eusi whale watching tour gsi... gstarted hät sie mit robbe, wo um en lüüchtturm gläge sind. wiiter hämer otter gseh, wo us em meer in wald grännt sind. drufabe händ eus delfine begleitet währenddem wiischopfseeadler uf de tanne am ufer ghocket sind. nach em lunch isches wiiter gange mit eusere zodiactour. churz drufabe hämer mehreri chliini wal gseh (harbour porpoise). und dänn isch ändli die lang ersehnt ruggeflosse vor eus uftaucht... orkas!!! über 2stund hinwäg hämer die gigante dörfe beobachte und ihrem gsang via unterwassermikrofon zuelose. insgesammt hämer öpe 30 orkas gseh... wahnsinn gsi!!! uf em retourwäg hämer zum abschluss no en bär in wald verschwinde gseh. ä super tour gsi!!!
nach däm schöne erläbnis simer wiiter düset in pacific rim nationalpark (tofino/ ucluelet). hät wunderschöni moosüberwachsti wälder gha. vom strand us hämer ruggeflosse und fontäne vomene wal chöne gseh. händ aber nöd usegfunde was für eine dases gsi isch. sind bi eusne usflüg immer schön brav mit em bäreglöggli unterwägs gsi. händ aber bis da ane keine atroffe uf em wäg.
wiiter simer via duncan nach victoria gfahre. vo det us simer uf d`fähre zrug ufs feschtland.
vo seattle us hämer de wäg zum glacier- waterton nationalpark uf eus gnoh. ussert das schöni flussufer in libby isch die strecki rächt öd gsi. um so überraschter simer vo dä wunderschöne berglandschaft und tierwält worde. schwarzbäre, grizzly-bears, elchfamilie, bisonherde, mountaingoats, bighornsheeps, murmeli und no viel meh händ eus de atem graubt. en total abwächsligsriiche nationalpark. vo de gletschersicht zu türkisblaue seeä und faszinierendi abbrännti waldstuck... baumstämm wie silbrigi kerze i de landschaft.
händ da in lake louis di erschte nächt bi minustemperature erläbt. am morge hämer vo inne und usse müäse schiibechratze. zügig chalti füäss hämer gha. sind zum wünderschöne lake moraine gange. en türkisblaue see mit verschneite berge im hintergrund. vor sunneuntergang hämer no en chline trail zum miror lake gmacht.
händ zwei tageswanderige unternoh. wo mir dänn zum znacht choche uf ä rest area händ welä, isch de picknicktisch scho vomene schwarzbär bsetzt gsi... de chli mister petz isch um de tisch gschliche und hät sich a de beeri, wo grad näbedra im busch gsi sind, vergnüägt. mir sind im auto hocke blibe und händ gwartet bis er sini mahlziit beändet hät. mehrmals hät er zu eus gügslet. hät ihn aber nöd wiiter kümmeret. wo er dänn gnueg gha hät isch er im wald verschwunde und mir händ eus chöne breit mache und euses thai curry chöcherle ;-)
mir händ ä erschöpfendi aber super schöni wanderig mit sicht uf en riise gletscher gmacht. nachem picknick und eme chline pfüsi hämer de retourwäg in agriff gnoh... mitere grosse überraschig staht doch 5 meter vo eus entfernt en grizzly zmitzt uf em wäg wo mir um kurve z`laufe cho sind. de philipp hät mich ganz erschrocke hinderschi gschobe und sofort grossi stei gsammlet... de grizzly hät eus aber nur es paar sekunde aglueget und isch wiiter s`bord durab gloffe. churz druf isch dänn no en chline grizzly hinedri gstiflet. au de hät eus schnäll en blick zuegworfe und isch wiiter zoge. cool gsi mal aug in aug miteme grizzly z`si. sind nur froh gsi, dass sie sich nöd um eus kümmeret händ!!! spöter simer no zur erfrischig in gletscherbach gläge... brrrr, chalt gsi ;-)
Sind nach "Meadow in the sky" gfahre und händ det wunderschöni bergseeli mit tanneinseli bewunderet.
nacheme tag i de heisse hotsprings vo radium simer wider zu wanderige ufbroche. vo de tierwält hämer bighorn sheep, coyote und ä bärefamilie gseh. suscht häts no en schöne canyon gha.
juhuu, de erschti schnee i dä berge sit patagonie. genau richtig gsi für euses fondue uf em zältplatz ;o) mit blick uf di verschneite berge. da mir di einzige ohni wohnmobil gsi sind und wohl am morge ziemli duregfrohre usgseh händ, isch ä canadierin us ihrem wohnwage cho und hät eus ä heissi schoggi mit marshmellows bracht. spöter isch sie no mit ihrere adrässe verbii cho und hät eus us mitleid welä zu sich hei ilade... voll herzig!!! in banff häts eus richtig guet gfalle... es mega schöns dörfli, wie bi eus dihei i dä berge!
di schönschti strass vo canada, umzinglet vo de frisch beschneite rockies, gletscher und türkisblaue seeä. wunderschön für wanderige und tagesusflüg.
in jasper häts wahnsinnig viel hirsche umenand gha. da grad brunschtziit gsi isch, hämer eus extrem in acht müäse neh. die hirsche griifed alles a was zwüsched ihne und ihrne wiibli staht. ä elchfamilie isch eus au no über de wäg gloffe. scho extrem, wie riiisig die tier sind!!!
ä fantastischi landschaft mit "hoodoos" felsformatione us limestone wo zum teil wie pilz us de erde raged.
vo drumheller simer losgfahre richtig oste vo canada. ziemli ödi landschaft gsi. aber doch händ eus zwei mega cooli sache überrascht und überwältigt... churz nach em ufbruch isch es stachelschwein am strasserand gstande und hät gwarted bis es d`strass überquere chan. händ echt nöd gwüsst das es stachelschwein in canada git. mega herzig gsi :-)
di gröscht unerwarteti sach isch aber a de gränze saskatchewan/manitoba gsi. wo mir am 27.9.2011 am abig um 21:15 ufere raststett in the mittle of nowhere us eusem van usgstige sind, hämer schnäll bewegendi grüäni polarliechter am himmel gseh lüüchte :-) wow... das isch echt überwältigend gsi. händ das ganze spektakel öpe ä halb stund lang chöne bestuune. dänn sind d`liechter immer dünkler worde bis sie i de finsternis verschwunde sind. das isch e meeega überraschig gsi :-)))
in thunder bay isch wieder zivilisation ufcho. aber ussert en grosse wasserfall häts nüt spannends geh.
de lake superior isch vo de oberflächi de gröschti und vom volume her de dritt gröscht süässwassersee uf däre wält. entsprächend het mer chöne meine mer seg am meer... so wiit wie mir händ chöne luege, es isch keis ufer in sicht gsi. gwället häts wie ufem offne meer. vo felsformatione über sandstränd und schöni buchte hät de lake superior alles botte. nur isches leider viiiiel z`chalt gsi zum bädele.
die staudämm vo de bibber händ ziemli beidruckt. en bibber sälber hämer aber nur ganz churz mal gseh. er isch grad wieder abtaucht wo er eus entdeckt hät. extrem viel schlange häts gha. bi däne iis chalte nächt, händ sie sich underem tag a de sunne wieder chli chöne ufwärme. nur sinds überall, wo en sunnestrahl anecho isch, umegläge... so sind mir bim wandere doch mehrmals schier uf eini drufgstande. zum glück hämers aber i letschter sekunde no gseh!
ändli wieder mal schöns wätter! sind de schöne küste entlang gfahre und mehreri trails gloffe. vo wiitem hämer wal chöne beobachte und 3 wiischopfseeadler uf de fischjagt zueluege. es elchmami und ihres chline händ no vor eusem auto d`strass überquert.
di gröscht ebbe und fluetdifferenz gits da bi bay of fundy. bi fluet chamer mit em kanu um d`hopewell rocks paddle und bi ebbe isch alles bequem z`fuess uf em meeresbode erkundbar. da wider eimal me out of season gsi isch, sind scho gar kei kanus meh verlihe worde. das ganze spektakel hämer churz vor ebbe bewunderet und grad chöne zueluege wie vo minute zu minute de meeresspiegel abgnoh hät.
no s`letschte spektakel uf eusere eijährige wältreis. bi dunkelheit häts sogar ä immer wächselndi farbbelüchtig uf d`wasserfäll geh.
da mir de letscht winter i de schwiiz verpasst händ, hämer eus entschide grad di ganz saison i de bündner berge z`verbringe. vo canada us hämer eus is zügs gleit und ä chlises herzigs studio in muldain (lenzerheide) mit super ussicht chöne bueche. däzue hämer eus de bündner skipass gleischtet und händ somit de sensationell schneeriich winter i volle züge chöne gnüsse!!!
nach dem schneeriiche und chalte winter i de bündner berge gömer eus no für 2 mönet in thailand, laos, vietnam und kambodscha go ufwärme und eus vo dem stränge winter (mit jede tag ski- und snowboarde) go erhole ;-)
händ eus für di erschte 3täg a de khaosan road in banglampoo (bangkok) niderlah. läck isch das heiss da!!! eus lauft de schweiss nur no so abe. aber isch au wieder mal mega schön de ganz tag und nacht im t-shirt, churze hose und de flip flop umezlaufe :-) und das esse... eifach göttlich!!!
satti 14stund simer im zug ghöcklet und händ di mehrheitlich kargi landschaft betrachtet. ussert abbrännti riisfälder und scho wieder neu spriessendi, hämer no e chlini herde wasserbüffel gsichtet. wo dänn d`landschaft richtig norde grüäner, buschiger und schöner worde isch, häts leider au scho idunklet und mir händ leider gar nüt meh chöne gseh ;-( zum glück sind aber die sitz so bequem gsi... händ scho fascht chöne ligge zum chli döse.
wow, sind das zwei schöni täg gsi!!! das elefantecamp hät 9 elefante. eine dävo isch grad erscht 4 mönet alt. mir sind uf de elefante go riite, händ sie umsorgt und sind mit ihne go bade ;-) ich chan nur no schwärme und das ganze erläbnis i wort umsetzte isch gar nöd mögli...
die öpe 100 km langi rundfahrt isch hauptsächlich dur di gschlänglete strasse vo de nordthailändische bergwelt gange. verbii a de mae sa wasserfäll, riisfälder, elefantecamps, dichte dschungelwald und zum abschluss zum wat prathat doi suthep.
händ in pai e wunderschöns bungalow am pai river bezoge. zum is hippie-städtli zcho hämer aber zerscht e waghalsigi brugg müäse überquere ;-)
sind bi brüätende 38grad mit em töffli nachere frische briise wind go sueche... nur leider isch das angebliche 125erli chum de hoger uf cho mit eus zwei druf. sind eus aber dänn nach em aluege vom canyon bimene wasserfall go abchüäle ;-)
händ 2tag lang di wunderschön ussicht vom mekong us gnosse. sind mit em slowboat verbii a felsformatione, dörfli, wälder, igeborene, wasserbüffel... total empfehlenswert!
händ wider eimal meh es töffli gmietet und sind zum fantastische tad kuang xi gfahre. wow... han eigentli nur ein einzige wasserfall erwarted... aber uf em wäg zum 30meter höche wasserfall häts unzähligi türkisblaui wasserpools gha. es isch nöd nur unglaublich schön gsi sondern au e willkommenii abchüelig ;-) uf em wäg hämer au no e uffangstation mit asiatische schwarzbäre (wo gnüsslich gfulänzt händ) chöne bsueche.
vo eusem chline restaurant (es paar stüähl, tischli, 1herdplatte und 1chüälbox) us hämer immer schön uf de mekong gseh. gässe hämer super und das für fascht keis geld :-)
händ mit em töffli de wäg zumene ageblich wunderschöne wasserfall gmacht... nachere churze bootfahrt uf di ander ufersiite hämer müäse feststelle, dass es gar kei wasser hät... tja... das chan hald i de trockesaison scho mal passiere. aber d`landschaft unterwägs isch schön gsi. zum abschluss simer zumene höcher glägene tämpel gange de sunneuntergang go luege
mir sind total überwältigt vo däre schöne landschaft da. vang vieng isch vo karstberge umzinglet. unzähligi hölesystem gits da z`bestune. und wänn mer mal en tag relaxe wot, chamer im nam xong (fluss) tube. verdurschte duet uf däre 2-stündige tubingfahrt au niemert... am ufer warted öpe 14 bare (usgstatted mit luuter musig, gratis shots, springtürm und schwingseil) uf chundschaft. wänn mer droht anere bar verbii z`tube, wird es seil usgworfe und mer wird zrug i bar zoge :-)
da s`laotische neujahr bevor staht, wärdet mir uf eusere töfflifahrt immer wieder mit wasser vollgsprützt... das isch tradition, dass niemert trocke dävo chunt... bi knappe 40grad isch das aber immer grad e sehr wohltuendi abchüälig ;-)
die chind da sind so herzig!!! immer rüäfets "sabaidee" (hallo) und winked eus zue. mega süäss!!!
für die 185km langi strecki vo vang vieng nach luang prabang hämer scho fascht rekordverdächtigi 9 stund bruucht... das isch di warschindli kurveriichst strecki wo mir je gfahre sind. d`ussicht isch däfür atemberaubend gsi. während däre trümmlige fahrt hämer die wunderschöne karstberge chöne bestuune und sind a herzige, ganz eifache chliine bergdörfli verbii ghötterlet.
natürli sind die reisebüs in laos nöd so guet im schuss... drum häts au nöd erstuunt wo euse bus uf irgend emene hügel vom laotische gebirge abgläge isch. nach langem warte und keinerlei informatione hämer eus entschide mit em nächste bus wo verbii rollet wiiter zfahre. so simer dänn mitere verspätig aber doch sicher in luang prabang acho.
mit em minibus simer vo luang prabang nach nong khiew gfahre worde. det simer in es longboat umgstige (also boot chamer das ding im wasser ja fascht nöd nänne... so chli zämeghämmereti brättli miteme verdammt luute motor druf wär scho di besser bezeichnig) und de nam ou flussufwärts zum herzige chline dörfli muang ngoi kao gfahre. händ es herzigs bungalow mit hängematte und schöner sicht uf de fluss bezoge. chum hämer eusi rucksäck abgstellt gha, simmer grad vo de iheimische zu ihrere neujahrsfiir (am mittag am 3!!!) gschränzt worde... das hät dänn öpe so usgseh... mir (zwei amerikaner und mir) händ ein sälberbrännte riisschnaps nach em andere i d`hand druckt übercho. zur abwächslig händs eus dänn au mal no e tasse tee i d`nöchi gstellt. dänn händs irgend so frittierti alge mit sesam und suscht so luschtigem zügs drin bracht. näbed däm häts no einigi so unerkännbari ässware uf em tisch gha. die alte herre händ dänn i ihrere betrunkeheit agfange (eher probiert) "musig" (was mer bi wiitem nöd chan säge) spiele. de eint hät mit zwei stäbli uf e art xylophon umebänglet und en andere hät a irgendöpisem umezupft wo zwei seite gha hät. wos däzue no agfange händ singe und eus zum tanze uffordere, hämer langsam aber sicher as flüchte dänkt. händ eus dänn nachere churze tanzpartie chöne verzieh :o)
muang ngoi kao isch nur mit em boot erreichbar und bestaht us einere grade strass vo öpe 300meter, ein tämpel und ei hand voll restaurants (wo mir fascht nüt meh zässe und ztrinke übercho händ, will die lüüt über s`neujahr kei nachschub überchömed... oder sie händ hald ebe "wie immer" eifach kei luscht gha zum schaffe;-))... und da ja alli eltere uf grund vo de neujahrsfiir (die ja mehreri täg anehebt) so betrunke gsi sind... händ ihri chind churzerhand d`restaurant gschmisse :-).
ganz gerzig isch gsi, wo mir im restauräntli ghocked sind und eus es herzigs chliises meiteli isch go fröge was mir gern heted...de philipp hät sich für buffalo mit weis nüm was däzu entschide. guet, das meitli hät eusi bstellig ufgnoh und isch verschwunde. nach 45 minute warte ( was e ganz normali ziit isch in laos zum warte bis s`bstellte ässe chunt) chunt sie retour und seit: buffalo no have :-) guet... alles keis problem... dänn seit de philipp er heti gern das ässe mit chicken... sie verschwindet wieder und chunt nach öpe 20 minute wieder zrug und seit: chicken no have :-) ok... dänn hät sich de philipp mal entschide zum fröge was sie dänn no zum abüte heg. also s`einzig wo no ume gsi isch sind eier gsi. also hät er hald sis menü mit ei bstellt ;-).
überall im dorf ränned hüäner, ente, säuli und hünd umenand. d`lüüt gönd ihri wösch (und au sich sälber) am fluss go wäsche.
am nächste tag simer öpe 1 1/2 stund zumene nachbardorf gloffe. unterwägs hämer no hölene, wo mir au drin händ chöne bade, bestuunt. de retourwäg hämer über d`riisfälder in agfriff gno... verbii a wasserbüffel und chuä.
vo muang ngoi kao simer wiiter de nam ou duruf bis muang koua. d`landschaft isch wie überall da in laos fantastisch gsi!!!
leider sind mir sehr negativ vo vietnam überrascht worde... d`lüt sind extrem unfründlich. sie lüged und betrüged wis nur gaht. mit tödende blicke wird mer überall hi verfolg. s`esse isch öpe dopplet so tüür und absolut ungnüssbar!!! mir händ doch mal en riis mit gmüäs bstellt und händ denn darmstückli im esse gha. uf de märt gits alles was es nöd git... verstückleti hünd, allerlei innereie, sozäge jedes tier läbig oder au tod... eifach nur total abstossend!!! da mir aber erscht 2tag in vietnam sind, simer i beschter hoffnig no en schöne teil dörfe z`erläbe.
da in sa pa simer uf en ussichtspunkt gloffe. s`dorf isch umzinglet vo berge und riisfälder. uf de strasse häts hunderti vo fraue wo ihri ware aprised. suscht häts nur no hupendi töffli und autos.
haend eus nach langem vergliiche vo de tourabueter fuer en mittelpris uf em a-class cruise schiff entschide. sind daenn fuer 3tag und 2 naecht i d'ha long bay ufbroche. scho vom ufer us haemmer di hoch us em meer ragende fantastische felsformatione gseh. euses schiff isch super gsi (abgseh daevo, dass mir s'schiff nach einere nacht haend muese waechsle wills irgend es problem gha haend). schoeni kabine und guets aesse. sind e floating-village go aluege, haend zwei mal uf en ussichtspunkt choene laufe und bim kajake haemer sogar zwei affe i de gebuesch entdeckt.
eusi letscht destination in vietnam... händ eus entschide zrug nach beautiful laos zgah und vo det wiiter nach kambodscha z`reise. es isch zwar mit de vietnamese chli besser worde aber nach wie vor total unsympatisch. das mit em lüge und betrüge schiint keis end zneh.
hoi an isch aber no es herzigs uuralts stettli am meer. am abig hänkets überall lampione i de gasse uf. git ganz e schöni atmosphäre.
Ui isch das e nerveufriibendi busfahrt gsi... sind froh das mir überhaupt acho sind... mir sind ganzi 3 touriste gsi im bus. eus händs natürli z`hinderst z`oberst in egge, bi däne doppelstöckige bussitz/better verstaut, das mir de iheimische nöd de wäg versperred... dänn isch die rüppelfahrt losgange. immer wieder hät de bus uf em wäg aghalte und immer nomeh iheimischi sind mit unheimich viel ware igstige... die händ ganzi baumaschinene, riiisigi juteseck und tonnewiis ware agschleikt... die busfahrer händ de bus bis uf jede millimeter usgstopft. wo de laderuum im bus voll gsi isch händs die stauflächi hinder eusne sitz agfange stopfe. wo de bus meh als überfüllt gsi isch, das heisst alli sitz bsetzt und au kei ladeflächi meh frei, sind nomeh lüüt am strasserand gtande wos iglade händ... mir händ scho schiss gha das sie eus jetzt werdet userüähre... was zum glück nöd passiert isch... die händ die aber hundert kilos vo limetteseck, wo die lüüt mitgnoh händ zum transportiere, im gang afange uftürme... die iheimische händ sich dänn ganz sälbstverstädlich druf gsetzt und scho isch busfahrt wiiter gange... eifach unglaublich gsi!
de hammer isch dänn aber a de gränze zu laos passiert... alli sind usgstige und händ sich ganz schnäll chöne uswiise und wieder in bus istiige... mir 3 touriste wo zhinderst ghoket sind und drum au ganz am schluss an schalter händ chöne händ natürli alli visum formular müäse usfülle während dem scho wieder all iheimische in bus igstige sind... dänn started de bus de motor und fahrt eifach ohni eus ab... de philipp isch sofort hinedri gseklet und hät as fänster vom fahrer polderet... de hät nur blöd glueged, e geste gmacht vo ässe und hät uf s`gaspedal druckt... ganz schnäll isch de bus um de egge verschunde... mit all eusem hab und guet drin. mir drü sind ratlos det gstande und händ d`wält nüm verstande. händ die eus doch i de middle of nowhere usgsetzt... plötzli sind usem nüt e töffligang vo jungs azfahre cho, händ eus izinglet und uf eus iquatscht. verstande hämer natürli keis wort. händ au nöd würkli chöne abschätze was die vor händ mit eus. obs eus wänd zum bus bringe oder wo au immer ane fahre. händ grad mal abgwunke und sind um di erst kurve gloffe zum luege wis det wiiter gaht... eifach nüt ussert e staubigi strass und es paar büsch... es isch eus also nüt anders übrig blibe als dene jungs z`vertraue und so isch jede vo eus bi rgend eim hine uf s`hödi ghocket. die händ natürli wieder nüt bessers gwüsst als nochli wettränne mache mitenend... weis nüm wie lang die fahrt gange isch aber uf all fäll isch dänn doch vo wiitem euse bus am strasserand erschine. mir sind natürli total happy gsi wieder bi eusne sache z`sii. d`verarschig a dem ganze isch dänn no gsi dass all lüüt i dere ziit sind go ässe und wo mir ändli bim bus gsi sind häts gheisse istiige und wiiter fahre... für eus häts alsolut nüt z`ässe geh... als wäred mir nach sonere prozedur nöd au hungrig gsi. sind also de ganz tag läär usgange. naja mir händs überläbt, sind doch no in pakse acho und händ all eusi sache wieder gha... ziel erreicht :-)
don det und don khon sind zwei vo 4000 insle, wo sich uf em mekong (ufere passage wo 16km lang und 4km breit isch) befindet. nur ganz wenig inseli sind bewohnt. im innland vo don det und don khon häts riisfelder mit viel büffel und chüä. am ufer entlang reiet sich palme a palme und zwüschedure häts wieder dichte dschungel. mir händ eus es velo gmietet und sind um don khon gfahre. immer wieder simer i chlini "dörfli" cho, wo (wie überall in laos) d`chind gwunke händ. die sind eifach soooo herzig!!!
s`einzige wo nöd umbedingt het müäse si, sind die guete 40grad im schatte. da isch au de mekong kei grossi abchüälig meh gsi. aber mir händs trotzdem mit viel schwitze mega gnosse!!!
mir wo ja nöd grad die gröschte fan vo "kulturelle gebäude" sind, sind in angkor extrem überrascht worde!!! es isch so fantastisch gsi, all die tempel- und paläschtruine z`gseh und z`erkunde. euse absoluti favourit isch ta prohm gsi... d`ruine überwachse mit gigantische bäum
wie schön... nach däm lange reise mal chli as meer go entspanne ;-)
mir händ eus am schöne lonely beach iquartiert. de strand mit palme und im hindergrund wunderschöne rägewald. näbere töfflitour und kämpfe mit de starke strömig und wälle hämer relaxt am beach und super fein gässe :-)
wow... railay isch eifach traumhaft!!! wunderschöni karstberge wo zum klättere iladet, türkisblaus meer und lagune, höle, affe...
mir händ eus am schöne tanote bay niderlah. e chlini strandbucht umzinglet vo dschungel, palme und fantastische felsformatione. bim schnorchle hämer au scho einiges gseh... es hät 1000igi vo farbige tannebäumli, 100ti vo muschle i allne farbe und grösse, chrabe mit ihrne lange gälbgrüäne stiilauge und de behaarte bei wo mit ihrne veralgte muschelhüüsli uf de koralle und gestein umestrieled, schnäggli (3verschideni arte) und doch einigi grossi schuele vo farbige fisch
jetzt sind mir leider scho a eusere letschte destination acho. mit händ no es letschts mal es töffli gmietet und sind zu wasserfäll gfahre. suscht hämer no super thaimassage, s`ässe und de strand gnosse ;-)
so das wärs gsi... jetzt fangt wieder de ernst vom lebe a. bliibe düänd eus aber all die wunderschöne idrück und erläbnis wo mir i däre ziit händ dörfe erläbe. und natürli au eusi mindestens 30`000 föteli ;-)
als abschluss no es paar unvergässlichi momänt...